Albisteak


25 - 36 - 80 elementuak

Estatuko laguntzak: Batzordeak 2.900 milioi euroko laguntza araubidea onartu du Espainiarentzat, energia-kontsumo handia duten enpresak zeharkako emisioen kostuengatik konpentsatzeko.

Estatuko laguntzak: Batzordeak 2.900 milioi euroko laguntza araubidea onartu du Espainiarentzat, energia-kontsumo handia duten enpresak zeharkako emisioen kostuengatik konpentsatzeko.

Astelehena, 21 de Martxoa de 2022

Europako Batzordeak, EBko estatuetako laguntzei buruzko arauekin bat etorriz, Espainiako araubidea onartu du. Araubide horren aurreikusitako aurrekontua 2.900 milioi eurokoa da. Araubide horren bidez, energia-kontsumo handia duten enpresak partez konpentsatu nahi dira, zeharkako isurien kostuen ondoriozko elektrizitate-prezioen igoeragatik, EBko isuri eskubideen merkataritza araubidearen esparruan. 2021 eta 2030 bitartean elektrizitatea sortzeko kostuen igoeraren zati bat ordainduko dute araubide horrekin.

Brexitera egokitzeko erreserba: Batzordeak 2.000 milioi euroko aurrefinantzaketa onartu du hamabi estatu kiderentzat

Brexitera egokitzeko erreserba: Batzordeak 2.000 milioi euroko aurrefinantzaketa onartu du hamabi estatu kiderentzat

Astelehena, 14 de Martxoa de 2022

Batzordeak 2.000 milioi euro baino gehiago ordaintzea onartu du, Brexitera Egokitzeko Erreserbaren esparruan, hamabi estatu kiderendako. Erabaki horren arabera, 2022ko martxoaren amaierarako 819,2 milioi euro jarriko dituzte erabilgarri, eta gainerakoa, beranduenez, 2023ko apirilean. Finantzaketak Brexit-ak ekonomian eta estatu kideetako eskualdeetan duen eragina arintzen lagunduko du, eskualdeei eta sektore ekonomikoei laguntza emanez, enpresa txiki eta ertainei zuzendutako neurrien bidez, enplegua sortu eta babesteko.

REPowerEU: Europako baterako ekintza, energia eskuragarriago, seguruago eta jasangarriago baten alde

REPowerEU: Europako baterako ekintza, energia eskuragarriago, seguruago eta jasangarriago baten alde

Osteguna, 10 de Martxoa de 2022

Europako Batzordeak planaren zirriborroa aurkeztu du, Europa erregai fosil errusiarrekiko independentea izan dadin 2030a baino askoz lehenago. Plan horrek, halaber, zenbait neurri biltzen ditu Europan energiaren prezioen igoerari erantzuteko eta datorren neguari begira gas erreserbak berosatzeko. REPowerEU-ren xedea da gas hornidura dibertsifikatzea, gas berriztagarrien erabilera bizkortzea eta berokuntzan eta elektrizitate sorkuntzan gasa ordeztea.

Batzordeak 225 erreforma-proiektu babesten ditu Europar Batasuneko estatuetan, erresilientzia hobetzeko, enplegua sortzeko eta hazkundea sustatzeko

Batzordeak 225 erreforma-proiektu babesten ditu Europar Batasuneko estatuetan, erresilientzia hobetzeko, enplegua sortzeko eta hazkundea sustatzeko

Osteguna, 10 de Martxoa de 2022

Batzordeak 225 proiektu onetsi ditu Laguntza Teknikoko Tresnaren esparruan, estatu kideei erreformak prestatzen, diseinatzen eta aplikatzen laguntzeko, administrazio publiko moderno eta erresilientearen, hazkunde jasangarriko estrategien eta ekonomia erresilienteen alde, eta, aldi berean, egungo eta etorkizuneko krisiei aurre egiteko gaitasuna hobetzeko. Laguntza Teknikoko Tresnaren 2022rako lan-programak zenbait berrikuntza ere jasotzen ditu, hala nola estatu edo eskualde anitzeko proiektuak, enblematikoez gain.

Errusiaren inbasioak energiaren merkatuan dituen eraginei erantzunez

Errusiaren inbasioak energiaren merkatuan dituen eraginei erantzunez

Asteartea, 8 de Martxoa de 2022

Errusiak Ukrainari egindako erasoaren ondorioz, agerian gelditu da Europa Errusiako gas naturalaren mende dagoela. Europar Batasuneko gas-inportazioen % 45 inguru Errusiatik ekarritakoa izan zen 2021ean; gas-kontsumo osoari dagokionez, ia % 40. Hori dela eta, Energiaren Nazioarteko Agentziak 10 puntuko Plan bat argitaratu du. Plan horren arabera, Errusiako gas naturalaren mendekotasuna heren bat baino gehiago murriztuko litzateke urtebeteko epean.

Klima-aldaketari aurre egiteko babes zibileko ekintzak: Kontseiluak ondorio batzuk onetsi ditu

Klima-aldaketari aurre egiteko babes zibileko ekintzak: Kontseiluak ondorio batzuk onetsi ditu

Ostirala, 4 de Martxoa de 2022

Kontseiluak ondorio batzuk onetsi ditu; horietan, eskatzen du babes zibila klima-aldaketak eragindako muturreko fenomeno meteorologikoetara egokitzeko. Fenomeno horiek gero eta ugariagoak, biziagoak eta iraunkorragoak dira, eta, hortaz, beharrezkoa da EBk eta estatu kideek zerbait egitea. Ondorio horiek urrats bat dira norabide horretan, eta EBren erresilientzia hobetu nahi dute.

Plastikoek eragindako kutsadurari buruzko munduko akordio historiko bati begira negoziazioak egiten laguntzen du EBk

Plastikoek eragindako kutsadurari buruzko munduko akordio historiko bati begira negoziazioak egiten laguntzen du EBk

Osteguna, 3 de Martxoa de 2022

Nazio Batuen Ingurumenerako Batzarra Nairobin bildu zen martxoaren 2an, eta adostu zuen negoziazioak hasiko zirela plastikoek eragindako kutsadurari aurre egiteko mundu mailako akordio lotesle bati begira. EBren diplomaziak funtsezko zeregina bete du munduko komunitatearen babesa lortzeko akordio horretan; akordio horren helburua da ingurune guztietan plastikoek eragindako kutsadura murriztea eta, ondoren, ezabatzea.

Gelaxka fotovoltaiko ultrafin berria: merkea, ez-toxikoa eta eraginkorragoa

Gelaxka fotovoltaiko ultrafin berria: merkea, ez-toxikoa eta eraginkorragoa

Osteguna, 3 de Martxoa de 2022

Europako HEINSOL, PREBIST eta DISCOVER funtsekin finantzatutako proiektuen laguntzarekin, baliteke ikertzaileek eguzki-energiaren egungo teknologiaren alternatiba hobea aurkitu izana gelaxka fotovoltaiko ultrafinaren mota berri batekin. Gelaxka fotovoltaikoa zilarrezko eta bismutozko atomoak dituzten nanokristalez fabrikatua dago, eta egungo gelaxka fotovoltaiko ultrafinak egiteko behar diren elementu toxikoekiko (beruna, adibidez) edo elementu arraroekiko (indioa, adibidez) dugun mendekotasuna murrizten lagun dezake.

Eolikoa oso poliki doa EBn

Eolikoa oso poliki doa EBn

Ostirala, 25 de Otsaila de 2022

2021ean, EBk energia eolikoan 11 GW baizik ez zituen gehitu, eta aurreikuspenek diote 2022tik 2026ra bitartean ere gutxi gehituko dituela, urteko beste 18 GW inguru. Ordea, 2030erako ezarritako helburuak bete ahal izateko, EBk urtero 30 GW eoliko batu beharko lituzke. Erritmo motel hori baimenak emateak eragiten du nagusiki, eta horrek Europako hornidura eolikoaren kate osoari eragiten dio, eta, era berean, dozenaka lanpostu arriskuan jartzen ditu.

Europako Inbertsio Bankuak eta Solas Capital-ek indarrak batu dituzte Europar Batasun osoko eraikinetan energiaren eraginkortasunean inbertitzeko

Europako Inbertsio Bankuak eta Solas Capital-ek indarrak batu dituzte Europar Batasun osoko eraikinetan energiaren eraginkortasunean inbertitzeko

Asteazkena, 23 de Otsaila de 2022

Solas Sustainable Energy Fund ICAV (SSEF) izenekoa Solas Capital AG-k aholkatutako funtsa da. Haren lehen itxieran 140 milioi euro bildu zituen, barnean dela Europako Inbertsio Bankuaren 30 milioi euroko konpromisoa.  Funtsak 200 milioi euro lortu nahi ditu, eta zorra finantzatuko die energia-zerbitzuen enpresei, energia eraginkortasuneko eta energia berriztagarri txikietako proiektuak gauzatzeko, batez ere Europar Batasunean. Erabaki horri esker, urrats bat gehiago eginen dugu Europar Batasunaren Akordio Berdeak 2050erako neutral bihurtzeko duen asmoa lortzeko.

Europa Erdialdeko bioekonomiari buruzko prospektiba gero eta handiagoa

Europa Erdialdeko bioekonomiari buruzko prospektiba gero eta handiagoa

Astelehena, 7 de Otsaila de 2022

Txosten berezi batean, lau eredu desberdinekin, Erdialdeko eta Ekialdeko Europako herrialdeetan bioekonomia zirkularrak garatzeko bidea adierazten da, bertan berrikuntza eta ezagutza zientifikoaren eta bioproduktuen ezarpenaren arteko arrakala zabala baita. Txostenaren helburua da arduradun politiko nazionalak aldaketan gidatzea, horiek zientzian oinarritu behar baitute, eta baita enpresek aldaketan duten funtsezko papera azpimarratzea ere.

Hotz-biltegiek elikagaiak baino gauza gehiago gordeko dituzte laster

Hotz-biltegiek elikagaiak baino gauza gehiago gordeko dituzte laster

Astelehena, 24 de Urtarrila de 2022

Elikagaien hotz-biltegiek elektrizitate handia kontsumitzen dute eta, aldi berean, galtzen den bero sobera sortzen dute. Energia biltegiratzeko teknologia berri bat garatu da Europako finantzaketarekin, eta teknologia horrek sektorearen energia-profila hobetuko du, energia berriztagarriak babestuko ditu eta jasangarritasunerako eta karbono-neutraltasunerako Europako asmo handiko planei lagunduko die.