Arauak eta zuzentarauak


1 - 12 - 20 elementuak

Ekonomia zirkularreko paketea

Ekonomia zirkularreko paketea

Astelehena, 8 de Abuztua de 2022

Europako Batzordeak ekonomia zirkularreko pakete bat proposatu du Europako merkatuan ekonomia zirkularreko produktuak sartzeko, ekonomia zirkularreko negozio ereduak zabaltzeko eta Europan alfabetatze zirkularra handitzeko. Ekonomia zirkularreko pakete berriak Europar Batasunean ekonomia zirkularra bizkortzeko neurriak zehazten ditu, EBren Industria Estrategiaren eta EBren Itun Berdearen barnean. Neurriak enpresetara eta kontsumitzaileengana zuzenduko dira.

Lan baldintza gardenagoak eta aurreikusgarriagoak EBko langileentzat

Lan baldintza gardenagoak eta aurreikusgarriagoak EBko langileentzat

Astelehena, 8 de Abuztua de 2022

Lan baldintza garden eta aurreikusgarriei buruzko Zuzentarauari esker, EBko langileek eskubidea izanen dute informazio osoagoa jasotzeko, iraupen mugatuko probaldiak izateko, beste lan bat onartzeko, lana amaitu behar denean behar bezain aldez aurretik jakiteko, zero orduko kontratuen lan abusua saihesten duten neurri eraginkorrak izateko, beste lan seguruago batera aldatzeko eskaera bati idatziz erantzuteko, edo lanarekin lotutako nahitaezko prestakuntza doan jasotzeko.

EBko zientzialariek bateriak hobetzeko dituzten 5 modu, seguruagoak eta ekologikoagoak izan daitezen

EBko zientzialariek bateriak hobetzeko dituzten 5 modu, seguruagoak eta ekologikoagoak izan daitezen

Ostirala, 22 de Uztaila de 2022

Europako kontsumitzaileek espero dute EBn saldutako bateria guztiak seguruak eta jasangarriak izatea, eta produktuaren zehaztapenen arabera funtzionatzea. Europako Batzordeak bateriei buruzko Erregelamendu berri baterako proposamena egin du, eta haren helburua da bateriak iraunkorrak eta seguruak direla bermatzea. Erregelamendu hori bateria guztiei aplikatuko zaie, salbu eta EBko herrialdeen funtsezko segurtasun-interesekin lotutakoei edo espaziora bidaltzeko diseinatutako ekipoetan erabilitakoei.

Batzordeak krisialdiaren denbora-esparrua aldatu du

Batzordeak krisialdiaren denbora-esparrua aldatu du

Osteguna, 21 de Uztaila de 2022

Europako Batzordeak zuzenketa bat egin dio estatuko laguntzaren aldi baterako krisi-esparruari. Hasiera batean, 2022ko martxoaren 23an onartu zen, Errusiak Ukraina inbaditu duen honetan ekonomia babesteko. Zuzenketa horrek krisiaren denbora-esparrua zabaldu du, REPowerEU planarekin bat datozen laguntza-neurri gehigarri hauek emanen baititu: energia berriztagarrien hedapena bizkortzea eta industria-prozesuen deskarbonizazioa erraztea.

Patenteen eta Patente Bateratuen Auzitegi Bateratua

Patenteen eta Patente Bateratuen Auzitegi Bateratua

Osteguna, 21 de Uztaila de 2022

Patente Unitarioa eta Patenteen Auzitegi Bateratua oinarrizko osagaiak dira, patenteak emateko egungo Europako sistema zentralizatua osatzen eta indartzen dutenak. Luzaroan espero izan da Europako patenteen erreforma, 2023ko urtarrilean indarrean jarriko dena. Eragin unitarioa duen Europako patente berriarekin, enpresek askatasuna dute aplikazio-herrialdeak aukeratzeko.

Airelineentzat salbuespen erregimen malguagoa eta berariazko laguntza proposatu ditu Batzordeak

Airelineentzat salbuespen erregimen malguagoa eta berariazko laguntza proposatu ditu Batzordeak

Asteazkena, 13 de Uztaila de 2022

Batzordeak proposamen bat egin du airelineen ordutegi tarteen erregimenak malgutasun handiagoz erantzun diezaien etorkizun hurbilean jazo daitezkeen ezusteko gertaerei. Beraz, Batzordeak proposatzen du, alde batetik, ordutegi tarteen erabileraren % 80ko tasa estandarrera itzultzea urriaren 30etik aitzina –modu horretan eskaera islatuta– baina, aldi berean, pandemian sortu zen justifikatutako arrazoiengatik ordutegi tarteak ez erabiltzeko aukera (JUNS) luzatu ahal izatea.

Batzordeak arauak proposatu ditu estatuak garraio ekologikoari emandako laguntzei aplikatzen ahal zaizkien prozedurak sinplifikatzeko

Batzordeak arauak proposatu ditu estatuak garraio ekologikoari emandako laguntzei aplikatzen ahal zaizkien prozedurak sinplifikatzeko

Astelehena, 11 de Uztaila de 2022

Europako Batzordeak Kontseiluaren Erregelamendu bat proposatu du. Horren bidez, batzordeari baimena ematen zaio, estatuko laguntzei buruzko EBren araudiaren arabera, aldez aurreko jakinarazpen betebeharretik salbuesteko  trenbideko garraiorako barneko bide nabigagarrietarako eta multimodalerako laguntza mota jakin batzuk, garraio ekologikoa sustatze aldera. Besteak beste, horrek aukera emanen dio batzordeari garraiobide ekologikoagoetara bideratutako estatu-laguntzen kategoria jakin batzuk barne-merkatuarekin bateragarriak direla deklaratzeko.

Arau berriak EBn bide-segurtasuna hobetzeko eta gidaririk gabeko ibilgailuen zirkulazioa ahalbidetzeko

Arau berriak EBn bide-segurtasuna hobetzeko eta gidaririk gabeko ibilgailuen zirkulazioa ahalbidetzeko

Astelehena, 11 de Uztaila de 2022

Ibilgailuen segurtasun orokorrari buruzko Erregelamendu berrian gidariari laguntzeko nahitaezko sistema aurreratu batzuk sartu dira, bide-segurtasuna hobetzeko, eta, gainera, EBn ibilgailu automatizatuak eta gidaririk gabekoak homologatzeko esparru juridikoa ezarri da. Segurtasun-neurri berriek EB osoan bidaiariak, oinezkoak eta txirrindulariak hobeki babesten lagunduko dute. Horrela, 25.000 pertsona baino gehiago salbatzea espero da, eta hemendik 2038ra bitartean gutxienez 140.000 zauritu larri saihestea.

Batzordeak onartu du Europako Parlamentuak zerbitzu digitaletarako arau-kode berria onartzea

Batzordeak onartu du Europako Parlamentuak zerbitzu digitaletarako arau-kode berria onartzea

Astelehena, 11 de Uztaila de 2022

Batzordeak pozik hartu du Europako Parlamentuak Zerbitzu Digitalen Legea eta Merkatu Digitalen Legea onartzea, hala proposatu baitzituen Batzordeak 2020ko abenduan. Zerbitzu digitalei buruzko paketeak lehen arau-kode zehatz bat ezartzen du lineako plataformetarako, gure eguneroko bizitzan ditugun horietarako, alegia. Arau berri horiek EB osoan aplikatuko dira, eta espazio digital seguruagoa eta irekiagoa sortuko dute, oinarrizko eskubideen errespetuan oinarritua.

Hidrogenoaren estrategia bat klimaren aldetik neutroa den Europa baterako

Hidrogenoaren estrategia bat klimaren aldetik neutroa den Europa baterako

Astelehena, 4 de Uztaila de 2022

Hidrogeno garbiaren garapena bizkortzeko, Europako Batzordeak hidrogenoaren estrategia berri bat hartu zuen. 2050erako klima-neutraltasunari buruzko Europako Itun Berdearen helburua funtsezko urratsa da, energia-sektorea deskarbonizatuko baitu, zeinak berotegi-efektuko gasen isurketen % 75 hartzen baitu. Hidrogenoa funtsezko osagaia da deskarbonizatutako energia lortzeko, non elektrizitate berriztagarriak bere mugak eta erronkak dituen, bereziki biltegiratzeari, garraio astunari eta energiaren erabilera intentsiboko industriei dagokienez.

Batzordeak begi onez hartu du EBko langileentzat gutxieneko soldata egokiei buruzko akordio politikoa

Batzordeak begi onez hartu du EBko langileentzat gutxieneko soldata egokiei buruzko akordio politikoa

Astelehena, 13 de Ekaina de 2022

Zuzentarau berriak xede du langileek soldata egokiak jasotzea, beren bizi- eta lan-baldintzak hobetzeko eta ekonomia eta gizarte bidezkoak eta erresilienteak eraikitzeko. Hori tradizio eta eskumen nazionalak erabat errespetatuz eginen da. Zuzentarauak honako elementu nagusi hauek ditu: Legezko gutxieneko soldatak finkatu eta eguneratzeko esparrua; soldatei buruzko negoziazio kolektiboa sustatu eta erraztea; eta gutxieneko soldataren babesaren jarraipena eta aplikazioa hobetzea.

Estatu kideak, langileak eta enpresaburuak bat datoz COVID-19a gaixotasun profesional gisa onetsi behar dela

Estatu kideak, langileak eta enpresaburuak bat datoz COVID-19a gaixotasun profesional gisa onetsi behar dela

Ostirala, 3 de Ekaina de 2022

Maiatzaren 18an, EBko Laneko Segurtasun eta Osasunerako Aholku Batzordean (ACSH), estatu kideak, langileak eta enplegatzaileak ados jarri ziren COVID-19a gaixotasun profesional gisa aitortu behar dela osasun eta gizarte arretan eta etxez etxeko laguntzan, eta, pandemia testuinguru batean, infekzio arrisku egiaztatua duten jardueretan agerraldia dagoen sektoreetan. Halaber, EBko gaixotasun profesionalen zerrenda eguneratzea babestu zuten.