Europako Batzordeak azalpen garrantzitsu bat argitaratu du gai honi buruz: 2Zero "Hurrengo belaunaldiko ibilgailu elektrikoen osagaiak: motor elektrikoak, efizientzia handikoak eta merkeak, ekonomia zirkularraren printzipioa betetzen dutenak eta baliabide arraro gutxi erabiltzen dituztenak" (HORIZON-CL5-2022-D5-01-09). Gaiaren testuan zegoen CRM akronimoa oker eman da: "Material konposatu indartuak". Honela behar luke ordea: "Lehengai kritikoak".
Europako Batzordeak bi aplikazio erregelamendu onetsi ditu, 1. mugikortasun paketearen zati gisa, EBko errepide garraioko arauak betetzeko kontrolak espezifikoagoak eta koherenteagoak izan daitezen EB osoan. Lehenengo ekimenak arau hauste astunen sailkapena eguneratzen du; arau hauste horiek ekar dezakete errepideko garraioko operadore baten izen ona galtzea. Eta bigarren ekimenak formula komun bat ezartzen du EBko errepide bidezko garraio enpresen arrisku kalifikazioa kalkulatzeko.
Dokumentu honek EBren energia azpiegitura berrietarako TEN-E Gidalerroen Erregelamenduaren berrikuspen bat aurkezten du. TEN-E Erregelamendu berrikusi hori bat dator, hertsiki, Europako Itun Berdearen neutraltasun klimatikoaren helburuekin: energia garbiaren teknologia berriak eta lehendik daudenak sendotzen dituen energia azpiegitura babestea, eta bertan behera uztea erregai fosilen proiektuei emandako babes politikoa eta finantzarioa.
Batzordeak pozik hartzen du Europako Parlamentuaren eta EBko estatu kideen artean Merkatu Digitalen Legeari buruz lortutako akordio politiko azkarra. Araudia, proposamena egin eta urtebete pasatxora adostua, enpresa digital handienen guardia-boterea modu integralean arautzeko lehen ekimenen artean dago.
Europako Batzordeak baldintzen araubide orokorrari buruzko gidalerroak onetsi ditu, EBren aurrekontua zuzenbide estatuaren printzipioen urraketetatik babesteko. Gidalerroek zehatz-mehatz azaltzen dute nola aplikatuko den erregelamendua, EBren finantzaketaren azken hartzaileen eta onuradunen eskubideak babesteko modua barne.
EBren erregulazio-inplementazio berriak otsailaren 7an argitaratu ziren, eta horietan adostasuna egiaztatzeko, merkatua zaintzeko, ez-betetzeen saiakuntzak egiteko eta hirugarrenak entsegu-instalazioetara sartzeko irizpideak ezartzen dira.
Motor elektrikoetarako eta abiadura-aldagailuetarako EBren diseinu ekologikoko neurri berriak, 2021eko uztailaren 1ean indarrean sartu zirenak, produktu horien energia-eraginkortasuna hobetzera bideratuta daude EB osoan. CA* indukzio-motorrei aplika dakieke (esaterako, garbigailuetan, aire egokituetan edo bero-ponpetan aurki daitezkeenei); arau berriek eguneratu egiten dute aurreko erregulazioa, 2009koa.
Ebaluazioaren ondorio nagusia izan zen EB hiri-mugikortasunaren arloan egiten ari dena beharrezkoa dela eta, orain, are beharrezkoagoa dela, 2013an Hiri-mugikortasunerako Paketea lantzen hasi zenean baino. Horren arrazoia da hiri-mugikortasunaren arazoen ondorio asko gero eta larriagoak direla gizarterako, ekonomiarako eta ingurumenerako.
