Automozioa eta mekatronika foroa

Automozioa eta mekatronika

Nafarroan asko dira automozioan lanean ari diren enpresak (BEGd-aren % 5,9) eta, alde handiz, eskualdeko esportazio-sektorerik handiena da (guztizkoaren % 45). Hazkunde eta berrikuntzarako esparruen artean, nabarmentzekoa da osagaien fabrikatzaileen garapena eta balio katean egin duten aurrerakada eta, orobat, mugikortasun iraunkorraren, ibilgailu elektrikoaren eta ibilgailu autonomoaren sustapena, etorkizunerako joera gisa.

Bestalde, eskualdeak baditu makineriaren, elektronikaren eta produkzio sistemen enpresen inguruko fabrikazio aurreratuko gaitasun bereziak; mekatronikan biltzen ditugu horiek guztiak (BEGd-aren % 6,9).

Espezializazio teknologikorik handiena esparru honetan ematen da; izan ere, azken urteetako patenteen ia % 39 ditu eta Nafarroako esportazioen % 24,4.

Sektore honek duen garrantziaren gaineko informazioa Nafarroako 2020 Industria Planean duzu.

Foro honetako partaide izan nahi baduzu, bete ezazu atxikimendu formularioa eta sektore honen gainean Europan dagoen informazioa modu pertsonalizatuan igorriko dizugu. Horretaz gainera, antolatzen diren foro presentzialetan parte hartzeko aukera izanen duzu.

Nabarmenduak

rEUse platform

rEUse platform

Astelehena, 25 de Apirila de 2022

rEUse plataforma tresna bat da, beira eta karbono zuntzen balio-kateak lantzen eta elkartzen dituzten alderdi interesdunei beren artean informazioa trukatzeko aukera ematen diena. rEUse plataformak onartzen du erakunde zirkularren (produktuak, hondakinak, materialak...) erabilgarritasun fisikoa identifikatzea eta trukatzea, elementu horiek guztiak berrerabiltzeko, birziklatzeko edo birmanufakturatzeko, bai eta haien eskaria zehazteko ere. Era berean, enpresei aukera ematen die harremanetan jartzeko, eta, horrela, konexio berriak sortzeko, balio-kate berriak gaitzeko eta merkatu aukera berriak abian jartzeko.

Kanpainen eta estatistiken Europako mapa

Kanpainen eta estatistiken Europako mapa

Ostirala, 22 de Apirila de 2022

Mapa honek Europako programa batzuen estatistikak aurkezten ditu. Iragazkiak erabil daitezke herrialde jakin batean egiten diren programen zerrenda ikusteko edo bilaketa zehazteko. Hautatutako kanpainen xehetasun guztiak ere ikus daitezke. Gainera, “Proposamena egin duen herrialdearen ikuspegia” izeneko aukera bat dago, herrialde horretako estatistikak ikusteko. Batzordearen kanpainak iragazteko aukera ere badago, horrela Europako Batzordeak berak egin dituen kanpainak ikusteko.