Bulegoa

Nafarroako Gobernuak Foru Komunitatearen interesak Europar Batasuneko erakundeen aurrean ordezkatzeko bulego bat du 1999az geroztik.

Nafarroako Foru Komunitatea 1993ko urrian hasi zen Bruselan, Belgikako Irelco aholkularitzarekin kontratu bat sinatu zuenean zenean. Geroago, 1995eko martxoan, SODEXNA, Sociedad de Desarrollo Exterior de Navarra (S.L.) sortu zen, dagoeneko iraungita dagoen sozietatea. Azkenik, 1999ko otsailean, Nafarroako Gobernuaren Bruselako Ordezkaritza eratu zen.

Gaur egun, Nafarroak Europar Batasunean duen Bulego Iraunkorrak Foru Komunitatearen interesak ordezkatu, defendatu eta sustatu nahi ditu Europar Batasuneko erakundeen aurrean. Helburu nagusia da foru administrazioa Europara irekitzea, baita enpresa, ETEak, sozietate publikoak, zentro teknologikoak, Merkataritza Ganbera, unibertsitateak, udalerriak, elkarteak eta GKEak ere, azken batean, Nafarroako gizartea. Bulegoko taldea bi lagunek osatzen dute eta urtean hainbat bekadun izaten dituzte.

Europar Batasunaren aurreko Nafarroako Bulego Iraunkorra Kanpo Harremanetarako Zuzendaritza Nagusiaren mende dago, Nafarroako Gobernuko Herritarrekiko Harremanetarako Departamentuari atxikia (Herritarrekiko Harremanetarako Departamentuaren egitura organikoa ezartzen duen urriaren 30eko 271/2019 Foru Agindua).

 

FUNTZIO NAGUSIAK

 

  • Función
    Nafarroaren ordezkaritza Europar Batasunean
  • Función
    Europar Batasuneko politika eta programei buruzko aholkularitza eta informazioa.
  • Función
    Nafarroako Foru Komunitatearentzat interesgarriak diren EBko programak eta aukerak zabaldu eta sustatzea.
  • Función
    Europar Batasuneko erakundeek erabakiak hartzeko prozesuari jarraipena egitea eta erakunde horien arauak sortzeko prozeduretan informazioa lortzea, Nafarroako Foru Komunitatearen interesei dagokienez.
  • Función
    Nafarroako Foru Komunitateko sektore publikorako eta pribaturako enpresa- eta finantza-aukerak aktiboki bilatzea.
  • Función
    Europako Batasuneko Eskualdeetako Batzordearen lanen jarraipena.
  • Función
    Europako seihilekoetan laguntzea, autonomia-erkidegoek Europar Batasuneko Ministroen Kontseiluan parte hartzeko akordioaren esparruan.
  • Función
    Espainiako Erresumak Europar Batasunean duen Ordezkaritza Iraunkorrarekin, Espainiako autonomia-erkidegoek Bruselan dituzten bulegoekin eta Europar Batasuneko estatuen antzeko erakundeekin lankidetzan aritzea.

Kontaktua

Rue De Pascale 16
1000 Brusela – Belgika
Tlfno. (+32) 2 721 60 77

E-mail: delegacion.bruselas@navarra.es
Twitter: ‎@Europainfo_na
Web: https://www.navarra.es/es/accion-exterior/navarra-en-la-union-europea