Elikagaien katea foroa

Elikagaien katea

Nafarroan elikadura ekosistemak balio katea ia osoa biltzen du, lehen sektoretik hasita nekazaritzako elikagaien industriara iritsi arte. 2008-2014 aldiko datu agregatuen arabera, handitzen joan dira Nafarroan BEGd-ari egiten dioten ekarpena (+% 11,2): produktibitatea (+% 16,6) eta esportazioak (+% 78,9).

Berariaz sektore horren fase desberdinak garatzera bideratutako zentro teknologikoak daude: Agrobioteknologiako Institutua (IdAB, CSICen barnekoa), Elikagaien Teknologiaren Zentro Nazionala (CNTA) eta Nekazaritzako Industrien Teknologien eta Azpiegituren Institutua (INTIA) Une honetan, bigarren arloa da, automozioaren ondoren, ustiapeneko diru-sarreretan eta hirugarrena esportazioetan.

Foro honen ezinbesteko helburuetako bat da balio katearen barnean lankidetzak indartzea Nafarroan eta, horrela, ekoitzitakoaren esportazioak handitzea eta, horrekin batera, elikadura osasungarri baten aldeko apustua egitea. Sektore honek duen garrantziaren gaineko informazioa Nafarroako 2020 Industria Planean duzu.

Foro honetako partaide izan nahi baduzu, bete ezazu atxikimendu formularioa eta sektore honen gainean Europan dagoen informazioa modu pertsonalizatuan igorriko dizugu. Horretaz gainera, antolatzen diren foro presentzialetan parte hartzeko aukera izanen duzu.

Nabarmenduak

SeaFoodTomorrow

SeaFoodTomorrow

Astelehena, 25 de Apirila de 2022

Itsasoko produktuen prozesamenduak ur-bolumen handia behar du produktu horiek garraiatzeko, garbitzeko eta kontserbatzeko. Halaber, energia kantitate handia behar du elikatzeko, hozteko, egosteko, lehortzeko eta esterilizatzeko ekipoetarako. EBk SeaFoodTomorrow proiektua finantzatzen du, eta proiektuak bi estrategia berritzaileren bidezko ezagutza eskaintzen du kontsumorako prest dauden itsas produktuen prozesamenduari lotuta, energia zein ura aurrezteko.

Kanpainen eta estatistiken Europako mapa

Kanpainen eta estatistiken Europako mapa

Ostirala, 22 de Apirila de 2022

Mapa honek Europako programa batzuen estatistikak aurkezten ditu. Iragazkiak erabil daitezke herrialde jakin batean egiten diren programen zerrenda ikusteko edo bilaketa zehazteko. Hautatutako kanpainen xehetasun guztiak ere ikus daitezke. Gainera, “Proposamena egin duen herrialdearen ikuspegia” izeneko aukera bat dago, herrialde horretako estatistikak ikusteko. Batzordearen kanpainak iragazteko aukera ere badago, horrela Europako Batzordeak berak egin dituen kanpainak ikusteko.