Europako Batzordearen kontsultak


1 - 12 - 22 elementuak

Laguntza eskatzea: Europan hornidura katean erresilientzia sortzeari buruzko inkesta

Laguntza eskatzea: Europan hornidura katean erresilientzia sortzeari buruzko inkesta

Osteguna, 2 de Ekaina de 2022

Egungo egoera geopolitikoan, Europako enpresa anitzek etenaldiak izaten dituzte hornidura katean. ECCPk jakin nahi luke zer ideia dituzten Europako enpresek hornidura katearen erresilientzia garatzeko. European Cluster Collaboration Platform (ECCP) erakundeak antolatu du inkesta, Europako Batzordearen izenean, Enterprises Europe Network sarearekin lankidetzan. Azken eguna: Ekainaren 6a.

Merkatu bakarra: EBren tresna berria, larrialdi egoeretan merkatu bakarraren funtzionamendua bermatzeko

Merkatu bakarra: EBren tresna berria, larrialdi egoeretan merkatu bakarraren funtzionamendua bermatzeko

Osteguna, 21 de Apirila de 2022

Merkatu Bakarreko Larrialdi Tresnaren helburua da mekanismo malgu eta gardena ezartzea, merkatu bakarraren funtzionamendua mehatxatzen duten larrialdiei eta krisiei azkar erantzuteko asmoz. Horretarako, EBk krisiei ematen dien erantzunaren koordinazioa, elkartasuna eta koherentzia bermatuko ditu, eta merkatu bakarraren funtzionamendua babestuko du. Azken eguna: 2022ko uztailaren 4a.

Kontsumitzaileak babesteko legeria: mugaz haraindiko aplikazioa

Kontsumitzaileak babesteko legeria: mugaz haraindiko aplikazioa

Osteguna, 21 de Apirila de 2022

Kontsumitzaileak babesteko lankidetzari buruzko erregelamenduaren txostenaren helburuak bi dira: alde batetik, ebaluatzea haren ekarpena eraginkorra ote den  kontsumitzaileak babesteko EBren legeria aplikatzeko orduan; eta, beste aldetik, Europa mailan kontsumitzaileak babesteko lankidetza aplikatzeko sarea indartzeko moduei buruz etorkizunean egin daitezkeen gogoeten berri ematea, mugaz gaindiko aplikazioa hobetzeko, praktika desleialei aurre egiteko eta krisi garaietan sarearen erresilientzia handitzeko. Azken eguna: 2022ko ekainaren 27a. 

Neguan EBko gas hornidura bermatzea

Neguan EBko gas hornidura bermatzea

Asteartea, 5 de Apirila de 2022

Kontsulta horren bidez, Europako Batzordeak jakin nahi du herritarrek zer iritzi duten energia biltegiratzeko neurriei buruz, zeinek ahalbidetuko baitute EBko gas hornidura bermatzea neguan. Jasotako iruzkin guztiak laburbilduko ditu Europako Batzordeak, eta Europako Parlamentura eta Kontseilura igorriko ditu, legegintza eztabaida aberatsagoa izan dadin. Azken eguna: 2022ko maiatzaren 26a.

Mikroplastikoek eragindako kutsadura: ingurumenean duten inpaktua murrizteko neurriak

Mikroplastikoek eragindako kutsadura: ingurumenean duten inpaktua murrizteko neurriak

Asteartea, 5 de Apirila de 2022

Ekimen horren bidez, ingurumenean nahi gabe botatako mikroplastikoei heldu nahi zaie. Plastiko horien etiketak, normalizazioa, ziurtapena eta iturri nagusientzako arauzko neurriak izanen ditu ardatz. Helburua da mikroplastikoek ingurumenean, txorrotako uretan eta elikagaietan eragiten dituzten arriskuei eta horien presentziari buruzko ezagutza hobetzea, eta ingurumeneko kutsadura eta osasunerako izan ditzaketen arriskuak murriztea. Azken eguna: 2022ko maiatzaren 17a.

Karbonoa ezabatzeari buruzko ziurtagiria: EBko arauak

Karbonoa ezabatzeari buruzko ziurtagiria: EBko arauak

Osteguna, 24 de Martxoa de 2022

Ekimen horrek EBren arauak proposatuko ditu karbonoa ezabatzeari buruzko ziurtagirirako. Ezabatze hori benetakoa dela gainbegiratu, jakinarazi eta egiaztatzeko arauak garatuko ditu. Helburua da karbonoa modu jasangarrian ezabatzen joan dadin, eta nekazariek, basoginek eta industriek CO2 atzeman, birziklatu eta biltegiratzeko irtenbide berritzaileak erabil ditzaten. Hori guztia ezinbesteko urrats garrantzitsua da EBko klima-politiketan karbonoa ezabatzeko neurriak txertatzeko. 2022ko maiatzaren 2a da azken eguna.

Jabetza intelektuala: arauetarako funtsezko patenteen esparru berria

Jabetza intelektuala: arauetarako funtsezko patenteen esparru berria

Astelehena, 14 de Martxoa de 2022

Arau baterako funtsezkoa den teknologia babesten duten patenteei arauetarako funtsezko patenteak esaten zaie (PEN). Patenteen titularrek konpromisoa hartzen dute beren PENen lizentziak arauaren erabiltzaileei emateko, bidezko, arrazoizko eta diskriminaziorik gabeko baldintzetan. Hala ere, erabiltzaile batzuek egiaztatu dute PEN lizentziak emateko sistema ez dela ez gardena, ez aurreikusgarria, ez eraginkorra. Ekimen honen helburua da lizentziak emateko esparru justu eta orekatua sortzea, eta legegintzako ekintzak eta legegintzakoak ez direnak uztartzen ahal ditu. 2022ko maiatzaren 9a da azken eguna.

Energia-efizientzia: xurgagailuei aplikatu beharreko diseinu ekologikoko baldintzak

Energia-efizientzia: xurgagailuei aplikatu beharreko diseinu ekologikoko baldintzak

Asteazkena, 9 de Martxoa de 2022

2013an, EBk xurgagailuei buruzko diseinu ekologikoko neurri bat hartu zuen, energia-efizientziako gutxieneko baldintzak ezartzen zituena. Horrek berekin ekarri zuen kontsumitzaileek energia asko aurreztea. Ekimen horrek neurria berrikusiko du aurrerapen teknologikoaren argitan, eta ebaluatu eginen du bateriaz eragindako xurgagailuak eta robot xurgagailuak sartzea komeni den, bai eta xurgagailuen materialetarako eta balio bizitzarako baldintzak ezartzea komeni den ere. Azken eguna: 2022ko apirilaren 5a.

Lurzoruaren osasuna: EBko lurzoruen babesa, kudeaketa jasangarria eta leheneratzea

Lurzoruaren osasuna: EBko lurzoruen babesa, kudeaketa jasangarria eta leheneratzea

Osteguna, 17 de Otsaila de 2022

Lurzoruak funtsezkoak dira elikadurarako, naturarako eta ekonomiarako, eta, beraz, urari, aireari edo itsas inguruneari ematen diegun garrantzia bera eman behar diegu lurzoruei ere. Lurzoruaren Osasunari buruzko lege-proposamen berriaren helburuak honako hauek dira: lurzoru osasuntsu baterako baldintzak finkatzea, lurzorua zaintzeko aukerak zehaztea, eta lurzoruaren erabilera eta leheneratze jasangarrirako arauak ezartzea. Azken eguna: 2022ko martxoaren 16a.

Eguzki-energiaren estrategia EBn

Eguzki-energiaren estrategia EBn

Astelehena, 14 de Otsaila de 2022

Estrategia horren helburua da eguzki-energiaren potentzial osoa lortzea energiaren eta klimaren arloko Europako Itun Berdearen helburuak betetzen laguntzeko. EB osoko biztanleei aukera emanen die energia-sistema integratu baten onurak biltzeko, hau da, eguzki-energia erabiltzeko oztopoak zehazteko; hedapena bizkortzeko neurriak proposatzeko; eta EBko eguzki-energiako sistemak lehiakorragoak eta erresilienteagoak izan daitezen lortzeko. Azken eguna: apirilaren 12a.

Hondakin-kudeaketaren ingurumen-inpaktua: hondakinen arloko EBren esparruaren berrikuspena

Hondakin-kudeaketaren ingurumen-inpaktua: hondakinen arloko EBren esparruaren berrikuspena

Astelehena, 31 de Urtarrila de 2022

Hondakinei buruzko esparru-zuzentarauak osasun publikoa eta ingurumena babesten ditu, hondakinak behar bezala kudeatu daitezela aginduz. Horretarako, EBko hondakinen hierarkia aplikatzen da, eta, haren arabera, hondakinik ez sortzea eta haiek berrerabiltzea lehenesten da, hondakinak balorizatu eta ezabatzearen gainetik. Ekimenak hondakinen kudeaketa hobetuko du; izan ere, hondakinen sorrera murriztuko du, bereziki produktuak edo osagaiak berrerabiliz, eta nahastutako hondakinak murriztuko ditu eta hondakinak berrerabiltzeko edo birziklatzeko prestaketa handituko du.

Energia berriztagarrien proiektuak: baimenak emateko prozedurak eta elektrizitatea erosteko kontratuak

Energia berriztagarrien proiektuak: baimenak emateko prozedurak eta elektrizitatea erosteko kontratuak

Astelehena, 31 de Urtarrila de 2022

Ekimen honen helburua energia berriztagarriak ekoizteko proiektuak erraztea da. Energia berriztagarrien proiektuak gauzatzeko oztopo nagusietan jarriko du arreta; esate baterako, baimenak emateko prozeduren iraupena; kokaguneak hautatzeko eta administrazio-baimenak emateko arauen eta prozesuen konplexutasuna; sarera konektatzeko arazoak; eta baimenak emateko ardura duten agintaritzen langile kopurua.