Osasun-produktuei buruzko EBren arauek aurreikusitako helburu medikorik ez duten produktuak ere hartzen dituzte barnean. Adibidez, honako produktu hauek: laser-ekipoak edo depilaziorako edo beste tratamendu dermiko batzuetarako argi pultsatu handiko ekipoak, liposukzio-ekipoak eta burmuina estimulatzeko ekipoak. Ekimen horri esker, produktu horiek arriskuen arabera sailkatuko dira, eta produktu sanitario konparagarrien baldintza berberak bete beharko dituzte merkaturatu aurretik eta ondoren. Azken eguna: Irailaren 8a.
EBko herrialdeek EBko arauak bete behar dituzte nahitaez desagerrarazi behar diren animalia-gaixotasunak prebenitzeko eta kontrolatzeko, hala nola amorreria, salmonelosia eta ardien katarro-sukarra. Ekimen horrek albaitaritzako sendagaiak helburu horietarako erabiltzeko baldintzak ezartzen ditu, bai eta jarraipen-neurriak ere, bereziki txertoen kasuan. Azken eguna: Irailaren 2a.
EBk munduko osasunean duen eginkizunari buruzko Batzordearen 2010eko Jakinarazpenetik, aldaketa esanguratsuak izan dira munduko osasunean eta geopolitikan. Ekimen honek munduko osasunerako estrategia berri bat garatuko du, aldaketa horiei erantzuteko eta EBk eremu horretan duen lidergoa indartzeko. Azken eguna: irailaren 19a.
Ekimen horrek odol, ehun eta zelulen segurtasunaren eta kalitatearen arloko aurrerapen zientifiko eta teknologikoei buruzko EBren arauak eguneratuko ditu, terapia berritzaileak barne. Eritasun kutsakorren agerpenari eta berragerpenari ere helduko die, COVID-19aren pandemiatik ikasitako irakaspenak barne, bai eta sektore horren gero eta merkaturatze eta globalizazio handiagoari ere, horrela Osasunerako Europar Batasunari lagunduz. Azken eguna: Irailaren 8a.
EBk munduko osasunean duen eginkizunari buruzko Batzordearen 2010eko Jakinarazpenetik, aldaketa esanguratsuak izan dira munduko osasunean eta geopolitikan. Ekimen honek munduko osasunerako estrategia berri bat garatuko du, aldaketa horiei erantzuteko eta EBk eremu horretan duen lidergoa indartzeko. Azken eguna: Irailaren 19a.
Minbiziaren aurkako Europako Planean iragarri zen bezala, ekimen honen helburua da gomendioa merkatuaren bilakaerara egokitzea eta haren aplikazio-eremuan tabakoaren eta antzeko produktuen erabilera sartzea aire zabaleko gune jakin batzuetan. Bereziki, azaleratzen ari diren produktuetara zabaltzea du helburu, baita aire zabaleko beste espazio batzuetara zabaltzea ere (adibidez, eskolako jolastokiak eta haur parkeak). Azken eguna: uztailaren 20a.
Osasun datuen Europako guneak honako hauek sustatu nahi ditu: pazienteen datuak modu seguruan trukatzea (baita atzerrira bidaiatzen dutenean ere) eta herritarrek osasun-datuen gainean duten kontrola; tratamendu, sendagai, osasun-produktu eta emaitzen ikerketa babestea; osasun-datuetarako sarbidea eta datu horien erabilera ikerketarako, politikak egiteko eta araugintzarako sustatzea, gobernantza-esparru fidagarrian eta datuak babesteko arauak errespetatuz; eta osasun arloan segurtasunarekin eta adimen artifizialaren erantzukizunarekin lotutako alderdiak argitzea. Azken eguna: Uztailak 28.
EBren legeriak alkoholaren eta edari alkoholdunen fiskalitatea arautzen du. Zerga egiturei buruzko araudia duela gutxi aldatu da, baina zerga bereziaren tasak ez dira aldatu 1992tik. Ebaluazioak aztertuko du alkoholaren eta edari alkoholdunen gaineko zerga bereziaren tasek EBko merkatu bakarrak behar bezala funtzionatzen lagundu duten. Ebaluazioa oinarria izanen da aurreikusitako ekimenerako. Aurreikuspenen arabera, 2022ko lehen seihilekoan kontsulta publiko bat antolatuko da. Azken eguna: Uztailak 4.
Egungo egoera geopolitikoan, Europako enpresa anitzek etenaldiak izaten dituzte hornidura katean. ECCPk jakin nahi luke zer ideia dituzten Europako enpresek hornidura katearen erresilientzia garatzeko. European Cluster Collaboration Platform (ECCP) erakundeak antolatu du inkesta, Europako Batzordearen izenean, Enterprises Europe Network sarearekin lankidetzan. Azken eguna: Ekainaren 6a.
Mantenugaiak (nitrogenoa eta fosforoa) ezinbestekoak dira bizitzarako, eta baliabide natural garrantzitsuak dira. Mantenugaien galera da atmosferaren, lurzoruaren eta uraren kutsaduraren eta biodibertsitatearen galeraren arrazoietako bat, eta eragin handia du klima aldaketan. Horrenbestez, mantenugai kutsadura eta mantenugaien zikloko efizientziarik eza direla eta, neurri gehigarriak hartu behar dira EB osoan, elikagaien segurtasuna hobetzeko, osasuna babesteko eta ekosistemak zaintzeko. Azken eguna: Abuztuak 26.
Hondakinei buruzko esparru zuzentarauak osasun publikoa eta ingurumena babesten ditu, hondakinak behar bezala kudeatu daitezela aginduz. Horretarako, EBko hondakinen hierarkia aplikatzen da, eta, haren arabera, hondakinik ez sortzea eta haiek berrerabiltzea lehenesten da, hondakinak balorizatu eta ezabatzearen gainetik. Ekimenak hondakinen kudeaketa hobetuko du; izan ere, hondakinen sorrera murriztuko du; nahastutako hondakinak murriztuko ditu, eta hondakinak berrerabiltzeko edo birziklatzeko prestaketa handituko du. Azken eguna: Abuztuak 16.
Merkatu Bakarreko Larrialdi Tresnaren helburua da mekanismo malgu eta gardena ezartzea, merkatu bakarraren funtzionamendua mehatxatzen duten larrialdiei eta krisiei azkar erantzuteko asmoz. Horretarako, EBk krisiei ematen dien erantzunaren koordinazioa, elkartasuna eta koherentzia bermatuko ditu, eta merkatu bakarraren funtzionamendua babestuko du. Azken eguna: 2022ko uztailaren 4a.
