Women TechEU programa pilotua Horizon Europe EBko ikerketa eta berrikuntza programako Berrikuntzako Europako Ekosistemaren lan-programak finantzatzen du. 75.000 €-ko dirulaguntza eskaintzen du, enpresen berrikuntza eta hazkunde prozesuan lehen urratsetan laguntzeko. Mentoring-a eta coaching-a ere eskaintzen ditu, baita EB osoan sareak sortzeko aukerak ere. Batzordeak dagoeneko iragarri du zeintzuk diren hautatutako lehen enpresak.
European Road Safety Charterrek (ERSC) iragarri du Bide-segurtasuneko Bikaintasunaren 2022ko Sariak aurtengo urriaren 17an egingo direla, Bruselan eta online. Urteko sari hauek aukera paregabea dira ERSCko kideen lorpen izugarriak aitortzeko, Europa osoan bide-segurtasuna hobetzeko helburu komunari begira. Zeremonian aurkeztutako proiektuek jakintza partekatzen lagunduko dute, eta bide-segurtasuneko hurrengo ekimenetarako akuilu izanen dira.
EFFRAk, Manufuturek eta Europako Batzordeak lehen Industria 5.0 saria jarri dute martxan. Sari hori EBk finantzatutako proiektuentzako da, baldin eta horien emaitza bada Europako industria erresistenteagoa, jasangarriagoa eta gizakiarengan ardaztuagoa izatea. 5.0 Industria saria 5.0 industriaren ikuspegia sustatzen duten proiektuak aitortzeko saria da. Proiektuek irtenbide sinesgarria eta inspiratzailea aurkeztu behar dute, eta horretan 5.0 industriaren hiru zutabe nagusiak jaso.
Eurekak, haren kluster diren Celtic-Next, Eurogia, Itea, Smart eta Xecs-ekin batera, indarrak batu ditu kluster bakoitzak hartzen dituen eremuetan jasangarritasunaren gaineko alderdiak landuko dituzten nazioarteko lankidetza teknologikoko proiektuen sorrera sustatzeko. 17 herrialdek funts publikoak agindu dituzte, klusterrek hautatutako proiektuak garatu ahal izan ditzaten eskatzaileek. Dei hori jasangarritasun industrialarekin lotutako teknologia guztieri irekia dago.
Irekita dago, dagoeneko, "Horizon Impact Award" sariaren hirugarren edizioa. FP7/H2020 proiektu itxien onuradun guztiak gonbidatuta daude sarirako eskabidea aurkeztera 2022ko martxoaren 8a baino lehen, irabazle bakoitzeko 25.000 euroko balioa duen saria eskuratze aldera. Sariaren helburua da EBk ikerketan eta berrikuntzan egiten duen inbertsioaren onura sozioekonomiko zabalak erakustea. Norbanakoei edo taldeei aukera ematen die beren jardunbide eta lorpen onenak erakusteko.
Ekitaldiak proposatzen du aplikazio bat garatzea, datu irekien multzoak erabiltzen dituena eta lau erronka hauetako batera bideratzen dena: 'Europako Itun Berde bat ', 'Gardentasuna kontratazio publikoan', 'EBko kontratazio publikorako aukerak gazteentzat' eta 'Europaren prestaketa aro digitalerako'. Ideiak aurkezteko epea 2022ko martxoaren 31n amaituko da.
Sariek aitortza egiten diete Bide Segurtasunaren Europako Gutuneko kideen komunitateak Europa osoan bide-segurtasuna hobetzeko helburu komunaren alde egin dituen ekarpenei. Bost ekimen irabazleek islatzen dute non egin dituzten erakundeek bide-segurtasuneko ekintza espezifikoak eta neurgarriak, zeinek bere erantzukizun-arloan.
Emakume Berritzaileendako Europar Batasunaren Sariak omendu nahi ditu berrikuntza iraultzaileen atzean dauden emakume ekintzaileak. Hala, Europar Batasunak adierazi nahi digu gero eta emakume berritzaile gehiago, eta emakumeendako eta neskatilendako ereduak behar ditugula. Europar Batasuneko Horizon Europe ikerketa eta berrikuntzarako programak finantzatu du eta Europako Berrikuntza Kontseiluak eta EISMEAk kudeatu dute. Finalistak beren berrikuntzak erabiltzen ari dira askotariko industrietan erronka globalei aurre egiten laguntzeko.
2015etik, Europako Batzordeak Berrikuntzaren Radar saria ematen die Europako funtsekin finantzatutako berritzaile hoberenei. Aurten, hamabi finalistetatik, lau irabazle saritu dira etorkizun handiko lorpenengatik. Azken sari handia MetGen soluzio bioteknologikoen hornitzailearentzat izan da, eta garapen jasangarriko teknologiaren saria berriz, C2CA Technologyrentzat.
Europako Berrikuntza Kontseiluak 65 enpresa eta ETE berritzaile sortuberri hautatu ditu: 360 milioi euroko finantzaketa jasoko dute punta-puntako berrikuntzak garatzeko. Enpresa bakoitzak 17 milioi euro arteko finantzaketa eskuratuko du kapital sozialeko inbertsioen eta dirulaguntzen bidez, arlo hauetan eginiko berrikuntza aitzindariak garatu eta zabal ditzaten: osasun-laguntzan, teknologia digitaletan, energian, bioteknologian, espazioan eta beste batzuetan.
EUROPEANMOBILITYWEEK sariek Mugikortasunari buruzko Europako Astean (irailaren 16-22) mugikortasun iraunkorrari buruzko sentsibilizazioan nabarmendu diren tokiko agintariak aitortzen dituzte. Sariek bi kategoria dituzte: bat 100.000 biztanle baino gutxiago dituzten udalerrientzat, eta bestea 100.000 biztanle baino gehiago dituztenentzat.
Herritarrekiko Harremanetako Departamentuak, 20.000 euroko diru laguntza jarri du abian, bai Europa Gertuago 2021 ibilbidean parte hartzen duten Nafarroako erakundeentzat, bai EBko programa-deialdietara aurkezteko prestatze-ekintzak egiten ari direnentzat.
